Gushika mw’ijoro ryo ku musi wa kane, Jenerari Alain Guillaume Bunyoni yari akiri ku muhana kwa Jenerari Silas Ntigurirwa i Bujumbura ku bw’amasoko yacu. Uwo yahoze ari umushikiranganji wa mbere yari yahunze muhira iwe imisi ibiri imbere y’uko inzego z’umutekano zija kumusaka kubera ko umugwi w’abafise ipete rya G\u00e9n\u00e9ral, Alain Guillaume asanzwe arimwo, bari bamenye itegurwa ry’ifatwa ryiwe ku bw’amasoko y’itororokanirizo ry’amakuru Le Mandat. “AbaG\u00e9n\u00e9raux baciye bafata ingingo y’uko Jererari Alain Guillaume Bunyoni aba arakinjuriye kwa Jenerari Silas Ntigurirwa mu kurindira ikiva mu biganiro hagati y’impande zibiri bivamwo. Uwurongoye urwego rukuru rw’intwaramiheto Jenerari Prime Niyongabo niwe yari yagenywe kuba umuhuza w’izo mpande zibiri, urwa Ndayishimiye n’urwa Bunyoni.” Ariko rero, izo mpande zibiri ntizahuje ku bw’amasoko yacu. “Umukuru w’igihugu Evariste Ndayishimiye yashaka ko Jenerari Alain Guillaume Bunyoni atabwa mu mvuto yagirizwa kunyonora amatungo y’igihugu hamwe no guhungabanya umutekano w’igihugu kuko amwagiriza kugerageza kumuhirika. Ariko abaG\u00e9n\u00e9raux ntibari bashigikiye na gato icipfuzo ca Evariste Ndayishimiye.” Ku bw’ayo masoko, gushika inyuma y’umutaga wo ku wa kane, abaG\u00e9n\u00e9raux basaba ko Jenerari Alain Guillaume Bunyoni arenguka imbere y’umushikirizamanza kizigenza wa Repuburika ariko bagaca bamureka agataha. Ndayishimiye nawe ati “Oya. Ni yarenguka, nca ndamupfunga.” Iryo nyinyurana ntiryahavuye ribandanya.<\/p>\n